विपना सिंह
कालिकोट १२ असोज ।
हरेक वर्ष कार्तिक २७ गतेदेखि सुरु हुने पादमघाट मेला यश वर्ष कार्तिक १३ गतेदेखि सुरु हुने भएको छ ।
पादमघाट मेला मात्रै नभएर यसपटक अध्यक्ष कप को रुपमा समेत पादमघाट मेला सञ्चालन गरिन लागेको हो ।
सधैं पादमघाट बजार क्षेत्रमा आयोजना हुने गरेको मेला यसपटक पादमघाट बजारदेखि माथि रहेको गैरेखाडा फिल्डमा आयोजना गरिने महावै गाउँपालिकाले जनाएको छ ।
मेला एवम् प्रतियोगिता सञ्चालन गरिने गैरेखाडामा रंगशाला बन्ने उद्देश्यले विशाल खेल मैदान समेत निर्माण भैरहेको र सो अवसरमा खेलकुदका साथसाथै भव्य देउडा खेल र साँस्कृतिक कार्यक्रमसहित रचनात्मक प्रतियोगिताहरु सञ्चालनमा आउने गाउँपालिका खेलकुद विकास समितिका अध्यक्ष निरक बहादुर सिंहले जानकारी गराउनुभयो । उहाँका अनुसार मेलासहितको प्रतियोगिता १५ गतेसम्म सञ्चालन हुनेछ ।
नेपाल पहरा । १२ आश्विन २०७९, बुधबार १०:३६